第一次做「媽媽」.....很多的"原來"

三年前我從漁農署領養了一隻混種芝娃娃「海參」, 從此, 我就成為了「海參媽」!

一直在排SPCA, HKDR, SKSF等小型狗.....終於某天, 就在Facebook看見了他!

當媽實在不容易! 由於海參一歲之前都過住流浪漢的生活, 十分有個性, 亦都勁聰明, 一星期已經攪好了toilet training, 亦都唔會咬電線家具(因為唔食得)。唯 一問題是貪吃!

一個月後, 他就到了我家, 從此開展了一人一狗的生活!

在家的頭一個多月日子還好, 打齊針出街才是惡夢的開始! 海參一邊行一邊找垃圾食物, 點叫, 點罵也改不了.....甚麼享受dog walk? 我只覺得是受罪! 我變了瘋婦一樣! 想像一下"師奶"教仔......原來我會變成潑婦?!

每行一步都要望前十步, 就係為要比佢早發現地下的垃圾食物! 壓力大到不得了! 我好擔心佢食錯野, 又很怕別人說三道四說我連狗都不會教! ........原來我也很在意別人的眼光!

有做dog trainer既朋友示範帶佢行, 佢又行得好地地, 直線緊貼, 又不會檢垃圾食物! 身邊朋友都說是因為我無權威, 要我學Cesar Millan, 又有朋友安慰我, 說過了四歲就會乖。呢段時間都令我好depress, 令我想起自己處理depress媽媽的cases......原來professional advices有時會令事件更糟!

最後我是被一位好友E提醒了, 其實海參是我的投映, 是一面鏡子!.....原來我們其實很相似! 我也很有自己的個性, 也很貪吃, 也很喜歡一個人四處亂闖!

好友E又再提點我, 海參係街童, 自然有佢既生存之道, 要對佢有信心! 慢慢, 我冷靜了, 發現佢真係唔係咩野都食! 爛的、有殺虫藥的、不知名的果實, 都會吐返出黎......原來信任真的很重要, 佢有佢既的生存智慧!

亦都體會到「父母」並不真的很偉大....甚麼含辛茹苦? 相反, 「下一代」 係無得選擇當中來到世界, 跟隨無知的父母探索新世界, 是名副其實的「實驗品」, 即使你已有好幾個子女......原來, 子女很偉大!